Кліентаў дзяўчына шукала ў сацыяльных сетках, дзе пісала пад выдуманым імем і прыкрывалася дарослымі фота.
Аператыўнікі Гродзенскага РАУС падчас маніторынгу інтэрнэту звярнулі ўвагу на некалькі прапаноў інтымных паслуг. Большасць абвестак падавалася ў завуаляванай форме. Асаблівую ўвагу аператыўнікаў прывабіла анкета дзяўчыны, якая адкрыта прапаноўвала: «Займуся сэксам. Платныя паслугі. Пішыце — не пашкадуеце».
Па словах начальніка аддзялення па наркакантролі і супрацьдзеянні гандлю людзьмі Гродзенскага РАУС Яўген Ванькова, свае паслугі дзяўчына ацэньвала ў 50 даляраў за гадзіну.
Аператыўнікі пачалі з дзяўчынай перапіску пад выглядам кліента. Ёй прызначылі сустрэчу. Звонку дзяўчына выглядала дарослай.
Калі ж яна была гатовая прыступіць да справы, аператыўнікі паказалі пасведчанне.
Тады і выявілася, што перад праваахоўнікамі — непаўналетняя.
Заканадаўства не дазваляе яе прыцягнуць да адказнасці, бо ёй няма яшчэ 16 гадоў. Дзяўчыне пагражае толькі ўлік у інспекцыі па справах непаўналетніх. Дарэчы, раней яе ўжо ставілі на ўлік за бадзяжніцтва.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС4
Каментары