Улада1010

Як Лукашэнка «тых, хто правініўся», перасаджвае з пасады на пасаду

Падчас наведвання Гродна Аляксандр Лукашэнка сёння запатрабаваў «караць тых, хто перасаджвае з крэсла на крэсла кіраўнікоў, што правалілі справу».

«Больш за ўсё недапушчальна, калі кіраўнікі, вызваленыя ад займаемай пасады за тое, што правалілі ўчастак працы, у тым ліку здзейснілі правапарушэнні, перасаджваюцца з аднаго кіруючага крэсла ў іншае, — заявіў Лукашэнка. — За гэта спагнанне будзе жорсткім».

«Наша Ніва» ўзгадала пяць выпадкаў, калі сам кіраўнік Беларусі хутка мяняў гнеў на міласць, даючы «нядбайным» чыноўнікам і менеджарам новыя пасады.

Ці можна патрабаваць гэтага ад кіраўнікоў драбнейшага рангу, калі ўласны прыклад не бездакорны?

Міхаіл Русы

Звольнены за фальсіфікацыю: У 2003 годзе тагачасны міністр сельскай гаспадаркі Міхаіл Русы быў звольнены з пасады з наступнай фармулёўкай: «За невыкананне даручэнняў кіраўніка дзяржавы аб забеспячэнні поўнай і своечасовай выплаты заработнай платы работнікам аграпрамысловага комплексу і пагашэнні запазычанасці перад насельніцтвам і сельскагаспадарчымі арганізацыямі за здадзеную сельскагаспадарчую прадукцыю, а таксама за фальсіфікацыю справаздачных даных па гэтых пытаннях». Лукашэнка нават казаў, што Русы «здзекуецца з сялян».

У будучыні: У той самы 2003 год Міхаіла Русага адправілі дарадцам аддзяленя пасольства Беларусі ў Санкт-Пецярбург. Ад 2004 года – дэпутат палаты прадстаўнікоў. І вось фінт: у 2010 годзе Русы зноў прызначаны міністрам сельскай гаспадаркі.

Сёння: У красавіку 2012 Русы ўвогуле пайшоў на павышэнне. Цяпер ён віцэ-прэм’ер, які курыруе пытанні сельскай гаспадаркі.

Леанід Мальцаў

Звольнены за п’янства: «За ўчынак, які дыскрэдытуе вайсковае званне афіцэра (з'яўленне ў грамадскім месцы ў нецвярозым стане)». 31 кастрычніка 1996 года Леанід Мальцаў выступаў перад студэнтамі мінскага медінстытута. Лукашэнку, які прысутнічаў у зале, падалося, што Мальцаў п’яны. Кажуць, што Лукашэнка тады нават сказаў: «Перад вамі толькі што выступаў былы міністр абароны».

У будучыні: Праз пару месяцаў Мальцаў быў прызначаны першым намеснікам начальніка штаба па каардынацыі вайсковага супрацоўніцтва дзяржаваў-удзельніц СНД. У 2000-м яго вярнулі ва ўладу, прызначыўшы намеснікам дзяржсакратара Рады бяспекі. А ў 2001-ым Мальцаў вярнуўся на пасаду міністра абароны.

Сёння: Апошні год Мальцаў займае пасаду кіраўніка памежнага камітэта.

Аляксандр Бароўскі

Звольнены за злоўжыванне службовымі паўнамоцтвамі: 27 сакавіка 2008 года Вярхоўны суд Беларусі паставіў кропку ў крымінальнай справе былога старшыні канцэрну «Белнафтахім» Аляксандра Бароўскага. Менеджар быў асуджаны на 5 гадоў турмы па артыкуле 424 частка 2 КК: «Наўмыснае насуперак інтарэсам службы здзяйсненне службовай асобай з карыслівай ці іншай асабістай зацікаўленасці дзеянняў з выкарыстаннем сваіх службовых паўнамоцтваў, што пацягнула прычыненне шкоды ў буйным памеры або істотнай шкоды правам і законным інтарэсам грамадзян альбо дзяржаўным або грамадскім інтарэсам (злоўжыванне ўладай або службовымі паўнамоцтвамі)».

У будучыні: У снежні таго ж года Аляксандр Бароўскі быў памілаваны Аляксандрам Лукашэнкам і вызвалены з турмы. А яшчэ праз год – у снежні 2009 – Бароўскага прызначылі генеральным дырэктарам МАЗа. У красавіку 2012-га Бароўскі з рук Аляксандра Лукашэнкі атрымаў адну з найбольш прэстыжных узнагарод Беларусі – ордэн Пашаны.

Сёння: Выйшаў на пенсію.

Ігар Рачкоўскі

Звольнены за плюшавы дэсант: 31 ліпеня 2012 года Аляксандр Лукашэнка адправіў у адстаўку кіраўніка памежнага камітэта Ігара Рачкоўскага. Афіцыйная фармулёўка: «За неналежнае выкананне службовых абавязкаў па забеспячэнні нацыянальнай бяспекі Рэспублікі Беларусь». Справа ў тым, што ў пачатку ліпеня таго года на тэрыторыю Беларусі нелегальна заляцеў шведскі «медзведзіроўшчык». З яго борта на тэрыторыю Валожынскага раёна і Мінска скідвалі плюшавых мядзведзікаў з улёткамі аб парушэнні правоў чалавека ў Беларусі. Гэтаксама беспакарана самалёт зляцеў назад на тэрыторыю Літвы.

У будучыні: У той самы год Рачкоўскі стаў першым віцэ-прэзідэнтам Нацыянальнага алімпійскага камітэту. Гэта значыць, намеснікам самога Лукашэнкі.

Сёння: Не так даўно Ігар Рачкоўскі ўзначаліў Федэрацыю хакея Беларусі.

Віктар Шэйман

Звольнены за выбух на Дзень рэспублікі: 3 ліпеня 2008 года каля стэлы «Мінск – горад-герой» прагучаў выбух. Смяротных выпадкаў не было, але шмат каго пакалечыла. На нарадзе ў кіраўніка дзяржавы праз чатыры дні Лукашэнка звярнуўся да тагачаснага дзяржсакратара Рады бяспекі Віктара Шэймана: «Не думаю, што Вы павінны заставацца на гэтай пасадзе пасля інцыдэнту. Вы вінаватыя, перш за ўсё! Вы паводле даручэння прэзідэнта не адзін год, а дзесяць гадоў арганізуеце падобныя мерапрыемствы. І нічога не зрабілі!» Назаўтра Шэйман сапраўды быў звольнены, але дзеля справядлівасці варта сказаць, што з фармулёўкай: «У сувязі з пераводам на іншае месца працы».

У будучыні: Спачатку Шэйман стаў памочнікам Лукашэнкі па асаблівых даручэннях. На гэтай пасадзе ён часта з’яўляўся ў краінах Афрыкі і Паўднёвай Амерыкі.

Сёння: Ад зімы 2013-га ўзначальвае Кіраванне справамі прэзідэнта.

Каментары10

Дзяўчына робіць беларускамоўныя каверы на папулярныя песні. Выбар некаторых артыстаў здзіўляе9

Дзяўчына робіць беларускамоўныя каверы на папулярныя песні. Выбар некаторых артыстаў здзіўляе

Усе навіны →
Усе навіны

Зяленскі: Лукашэнка прапаноўваў мне стукнуць па Мазырскім НПЗ, я яму кажу: «Што ты гаворыш?»48

У Мінску ад удару токам загінуў 16-гадовы падлетак1

«Гэта больш не зона свабоды і праўды». Сяргей Падсасонны пакідае «Белсат»73

Гэта цікава: ці адрозніваецца вада ў кране ад вады ў трубах ацяплення?3

Рэспекты ад дактароў і спецыфіка ў войску. Прынцыпова беларускамоўны юнак расказаў, як ён адслужыў9

Якім будзе надвор’е на наступным тыдні1

Стала вядома, колькі бонусных выплат атрымаў у 2024 годзе генеральны дырэктар «Беларуськалія»3

Да 4-5 сутак у чарзе. На выездзе з Беларусі ў Еўропу безліч аўто8

У Астравецкім раёне ў смяротнае ДТЗ трапіла аўто, у якім ехалі адразу пяцёра дзяцей. Загінула жанчына

больш чытаных навін
больш лайканых навін

Дзяўчына робіць беларускамоўныя каверы на папулярныя песні. Выбар некаторых артыстаў здзіўляе9

Дзяўчына робіць беларускамоўныя каверы на папулярныя песні. Выбар некаторых артыстаў здзіўляе

Галоўнае
Усе навіны →