Шклоўскі завод газетнай паперы ўчора так і не быў запушчаны. Журналісты і чыноўнікі сабраліся на ўрачыстае мерапрыемства, але так і не дачакаліся першай прадукцыі прадпрыемства.
Кіраўніцтва завода ад каментароў устрымалася, а чыноўнікі райвыканкаму кажуць, што ў апошні момант былі выяўленыя недахопы, над выпраўленнем якіх цяпер працуюць спецыялісты, паведамляе газета «Советская Белоруссия».
Нагадаем, што з‑за недахопу айчынных спецыялістаў, у Шклоў запрашалі інжынераў з Аўстрыі, Фінляндыі і Італіі.
Афіцыйная прапаганда сцвярджае, што шклоўскае прадпрыемства зможа цалкам забяспечыць патрэбнасці беларускіх друкаваных выданняў і паперу не трэба будзе купляць у Расіі.
0
0
0
0
0
0
