Пасля судовага пасяджэння 6 студзеня над Дзмітрыем Лукашэвічам, якога абвінавачваюць у збіцці Міхаіла Пішчэўскага, сябры і сваякі напалі на журналістаў, прысутных у зале судовых паседжанняў.
Знаёмыя Лукашэвіча, а таксама яго сястра з мужам, у грубай форме спрабавалі спыніць спробы журналістаў сфатаграфаваць абвінавачванага або падысці ды пагутарыць з ім. Журналістаў выцягвалі і выштурхоўвалі з залы.
Асабліва жорстка дзейнічалі супраць тэлеаператара Аляксандра Баразенкі і карэспандэнта радыё Свабода Алега Груздзіловіча. У Груздзіловіча нават забралі дыктафон, а потым закапалі ў двары ў снезе.
Нагадаем, што ў судзе Цэнтральнага раёна разглядаецца справа Міхаіла Пішчэўскага, якога ў маі 2014 года збіў ля начнога клуба «Андэрворлд» Дзмітрый Лукашэвіч. Пішчэўскі атрымаў цяжкую чэрапна-мазгавую траўму.
Яму выдалілі каля 20% галаўнога мозгу і цяпер ён большую частку часу знаходзіцца ў беспрытомным стане. Мяркуецца, што повадам для бойкі стала абраза сэксуальнай арыентацыі Пішчэўскага — той быў геем.
Першапачаткова суд прызначыў Лукашэвічу пакаранне ў выглядзе пазбаўлення волі на тэрмін 2 гады 8 месяцаў пазбаўлення волі і абавязалі выплаціць пацярпеламу 100 мільёнаў рублёў. Аднак бацькі Пішчэўскага, а таксама пракуратура абскардзілі прысуд як занадта мяккі. Папярэдні прысуд быў адменены, а справа пераглядаецца ў новым складзе суда.
Сёння суддзя Хома заслухаў сведкаў абодвух бакоў. У працэсе абвешчаны перапынак да 14:30 8 студзеня.
Двайнікі вядомых беларусаў. І не кажыце, што не задумваліся пра іх падабенства6
Каментары