У пятніцу 13 лютага ў мінскім клубе Re:Public Еўрарадыё падвядзе музычныя вынікі і ўзнагародзіць найлепшых музыкаў 2014 года.
На трэцяй цырымоніі ўручэння музычнай прэміі «Даём рады» сыграюць Trubetskoy, Akute, «Разбітае сэрца пацана», «Мутнаевока» і Haina.
«Намінанты прэміі будуць абвешчаныя пазней. Але абяцаем даць рады ў класічных намінацыях: «Гурт», «Альбом», «Дэбют», «Сольны выканаўца» і іншых. Да таго ж, мы вызначым, хто з музыкаў у гэтым годзе паўтарыў лётны подзвіг Аляксандра Памідорава, і які з гуртоў не патоне, нават сутыкнуўшыся з айсбергам, і па вялікім сакрэце раскажам, што ж адбывалася на беларускім бэкстэйджы цягам 2014-га года, а таксама мы рыхтуем сюрпрызы для наведвальнікаў імпрэзы», — абяцаюць арганізатары.
Кошт квіткоў: Першыя 50 — 170 000 рублёў Наступныя 200 — 210 000 рублёў Першыя 50 за столікі — 270 000 рублёў
Далей у залежнасці ад сітуацыі ў краіне кошт можа або застацца на такім самым узроўні, або крыху павысіцца па незалежных ад арганізатараў прычынах.
Набыць квіткі можна на кропках продажу:
- ГЦ «Купалаўскі», пав. 19 (час працы: 11.00-19.00, выхадны — панядзелак)
- ГЦ «Рыга», пав. 18 (час працы: 10.00-20.00, без выхадных)
- у клубе Re:public
- у падземным пераходзе на ст. м. Якуба Коласа
- паб-клуб «Графіці»(зав. Калініна, 16)
Крыху пазней яны з’явяцца ў інтэрнэце ў сетках Kvitki.by і Ticketpro.by.
«Даём Рады» у сацыяльных сетках:VK, FB
Даведка: +375 29 6490888
Інфармацыя: euroradio.fm
Супрацоўніцтва і акрэдытацыя: [email protected]
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я5
Каментары