Сёння, 18 студзеня, быў абстраляны баевікамі Вуглегорск з боку Енакіева на Данбасе. У выніку прамога трапляння ў прыватны дом загінулі два хлопчыкі 7 і 16 гадоў.
Выпадак апісаў у сваім фб міністр унутраных спраў Украіны Арсен Авакаў.
«Васьмігадовая Таня Чарнабай прыйшла ў госці да суседзяў паглядзець фільм — Георгія Камароўскага і Місачкі Рамана, хлапчукоў 7 і 16-ці гадоў.
У 14:45 да іх у прыватны дом у Вуглегорску з боку Енакіева прыляцелі рэактыўныя снарады ад градаў. Хлапчукі загінулі на месцы, дзяўчынка з раненнямі дастаўлена ў бальніцу. Жывая..
Вы ішлі на вуліцах, трымалі адзін аднаго за рукі, бачылі перад вачыма расстрэл тэрарыстамі валнавахскага аўтобуса [у выніку абстрэлу 13 студзеня загінулі і памерлі ад ран 12 чалавек, 17 былі параненыя — НН]. Ішлі і кожны думаў аб тых тысячах загінулых у гэтай вайне, развязанай баевікамі і рускімі.
Вы ішлі, а ў гэты час яны стралялі ў жылыя кварталы.. Аўдзееўка, Краснагораўка, Вуглегорск.
Так, я гутарыў з кіраўніком місіі АБСЕ. Ды ён запэўніў мяне, што неадкладна звяжацца з данецкімі баевікамі з патрабаваннем спыніць абстрэлы… Так — гэта ўсё так. Але..
Пакуль Расія не перастане падвозіць смяротныя ракеты і не перастане ўдзельнічаць у расстрэле Украіны — гэтая вайна не скончыцца. Справа не ў баевіках і сепаратыстах - іх змятуць людзі за тыдзень. Пытанне толькі ў тым, што б рускія перасталі «гуманітарнымі грузамі» везці смяротныя ракеты ва Украіну..
Гэтая вайна будзе заціхаць і ўспыхваць, але канец гэтай вайны будзе тады, калі будзе канец пуцінскага рэжыму. Іншага канца не будзе..».
Цяпер чытаюць
У віцэ-спікеркі Каардынацыйнай рады Лізаветы Пракопчык сабралася $12 тысяч даўгоў71
Каментары