Пасля шасці паспяховых сезонаў мультсерыялу канал Cartoon Network здыме поўнаметражны мультфільм са студыяй Warner.
«Час прыгод» скіруецца на вялікія экраны, паведамляе Deadline.
Стужку распрацуе Warner супольна са стваральнікам серыяла Пендлтанам Уордам, які напіша сцэнар і стане сапрадзюсарам.
Разам з Уордам прадзюсерамі будуць Крыс МакКей (выканаўчы прадзюсар «Лега.Фільма» і рэжысёр яго будучага спін-офа пра Бэтмэна) і Рой Лі (прадзюсар двух частак «Як прыручыць дракона»).
Час пачатку працы над стужкай і арыентыровачная дата выхаду ў пракат не называюцца.
«Час прыгод» распавядае пра прыгоды ў постапакаліптычным сусвеце 12-гадовага хлопчыка Фіна (падобна, адзінага чалавека ў свеце «Часу прыгод») і яго сябра Джэйка — бульдога, які можа прымаць любыя формы і памеры. Серыял транслюецца з 2010 года і мае поспех на тэлебачанні і ў інтэрнэце. У 2014 годзе атрымаў прэмію «Эні» як найлепшы анімацыйны серыял ці фільм для дзіцячай аўдыторыі.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары