У канцы лютага супрацоўнікі ўпраўлення па наркакантролі і супрацьдзеянні гандлю людзьмі затрымалі жыхара Мазыра 1983 года нараджэння, раней судзімага за незаконны абарот наркатычных сродкаў.
У яго канфіскавана 150 шакаладных цукерак вагай у паўтара кілаграма, якія ўтрымліваюць псіхатропныя рэчывы.
Як паведаміў начальнік УНіСГЛ УУС Гомельскага аблвыканкама Юрый Маркевіч, затрыманы вырабляў з шакаладу цукеркі, насычаў іх псіхатропным рэчывам і «дэкараваў», прысыпаючы зверху марыхуанай. У запісах мужчыны аператыўнікі знайшлі назву цукерак: «штучны сінтэзаваны аналаг канопляў».
Партыя цукерак у 150 штук можа сведчыць аб тым, што тавар прызначаўся для продажу, адзначыў Маркевіч. Вядзецца следства, высвятляюцца акалічнасці злачыннай дзейнасці затрыманага.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары