Вы дакладна чулі гэты вірусны трэк. Цяпер ён прагучаў і ў амерыканскім серыяле.
Оскараносная актрыса Ніколь Кідман знялася ў серыяле «Дзевяць зусім незнаёмых людзей» (Nine Perfect Strangers) ад сэрвісу Hulu. Кідман сыграла рускую Машу, якая кіруе вельмі дзіўным курортам «Дом спакою». Там яна прапануе гасцям унікальны досвед: перажываць успаміны, нібыта яны здарыліся ўпершыню.
У другім сезоне, які выйшаў у мінулым годзе, беларусы могуць пачуць знаёмую музыку. У пятай серыі Ніколь разам з героем Марка Стронга трапляе ў флэшбэк з 2001 года. У пражскім бары аўстралійская актрыса спрабуе гаварыць па-руску. А пасля танцуе пад знакаміты трэк «Судна» гурта Molchat Doma.
Гэта той самы дэпрэсіўны трэк, пад які раней здымалі шмат ролікаў у сацсетках, часта на фоне хрушчовак. Дарэчы, трэк беларусаў атрымаў у ЗША залаты статус. Сам гурт Molchat Doma ездзіць з канцэртамі па ўсім свеце.
Гэта не першы раз, калі ў працы Ніколь Кідман гучыць музыка з Беларусі. У фільме «Дрэнная дзяўчынка» 2024 года аўстралійка танчыць у клубе пад трэк тэхна-дуэта Police in Paris Улада Кульбіцкага (унука Уладзіміра Мулявіна з «Песняроў») і Улада Каўчука.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]