Групоўка «Ісламская дзяржава» ўзяла на сябе адказнасць за напад на музей Бардо ў Тунісе. Ахвярамі тэракту сталі 23 чалавекі, амаль усе яны — замежныя турысты.
Некалькі дзесяткаў чалавек былі параненыя.
У заяве джыхадзістаў напад на музей Бардо называецца «благаслаўлёным уварваннем у логава няверных у мусульманскім Тунісе».
Заява ІД з'явілася на форуме ў інтэрнэце, дзе групоўка звычайна публікуе свае паведамленні. Ісламісты таксама паабяцалі працягнуць вылазкі.
Тым часам улады Туніса абвясцілі аб арышце дзевяці чалавек у сувязі з нападам на музей, заявіла адміністрацыя прэзідэнта Туніса. У заяве сцвярджаецца, што чацвёра арыштаваных непасрэдна звязаны з нападам, а пяць чалавек былі звязаныя з гэтай ячэйкай.
Улады таксама абвясцілі аб размяшчэнні ваенных патрулёў у галоўных гарадах краіны.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары