Першая і другая частка гульні таксама ёсць для iOS.
З пачаткам прыгод Лары Крофт цяпер можна пазнаёміцца і на смартфонах ды планшэтах на Android. Поўная Android-версія гульні каштуе 1,22 даляры.
У мабільную версію Tomb Raider уключаныя ўсе арыгінальныя ўзроўні і два дадатковых, што выйшлі ў перавыданні 1998 года.
Гульні Tomb Raider і Tomb Raider II таксама даступныя для iOS.
Згаданыя гульні падтрымліваюць кіраванне з тачскрыну і геймпады накшталт MOGA Ace Power ды Logitech PowerShell.
Арыгінальная Tomb Raider выйшла ў 1996 годзе для камп’ютараў і кансоляў Sega Saturn і PlayStation. Яна ёсць адной з першых гульняў у жанры шутара ад трэцяй асобы, адна з першых гульняў цалкам у 3D. Галоўная гераіня гульні мела шырокую папулярнасць. Па матывах Tomb Raider было знята два фільмы, ролю Лары Крофт у іх выканала Анджаліна Джалі.
Пасля некалькіх першых удалых гульняў папулярнасць серыі пайшла на спад. Але серыя адрадзілася з уладым перазапускам Tomb Raider 2013 года.
***
На планшэты і смартфоны афіцыйна перанесена нямала класічных відэагульняў з камп’ютараў і кансоляў: Heroes of Might and Magic III, некалькі гульняў серыі Final Fantasy,Worms, Carmageddon, Baldur's Gate, Bard’s Tale, XCOM: Enemy Unknown, Syberia, Max Payne і некалькі частак Grand Theft Auto (GTA III, Vice City, San Andreas) ды многія іншыя.
З дапамогай праграм-эмулятараў можна запусціць практычна ўсе гульні для кансоляў да пятага пакалення (да першай Sony Playstation).
Цяпер чытаюць
Мэр Мінска хацеў сабе пасаду ва ўрадзе, але Лукашэнка не пусціў2
Каментары