Журналіст, былы рэдактар «Нашай Нівы» Сяргей Дубавец стаў першым лаўрэатам прэміі імя Аляксандра і Марыі Стагановічаў (прысуджаецца ў галіне «нон-фікшн — непрыдуманай літаратуры») за кнігу «Майстроўня. Гісторыя аднаго цуду».
Цырымонія ўручэння адбылася сёння, 22 красавіка, у Мінску.
Кніга «Майстроўня. Гісторыя аднаго цуду» была выпушчана «Радыё Свабода» ў 2012 г. і распавядае пра гісторыю і людзей Беларускай спеўна-драматычнай майстроўні — аб'яднання беларускай моладзі ў 1980-х.
Другая прэмія прысуджана пасмяротна Генадзю Кісялёву за кнігу «Смак беларушчыны» (Мінск: Лімарыус, 2013), трэцяя прэмія прысуджана Андрэю Федарэнку за кнігу «Сечка» (Мінск, Галіяфы, 2012).
***
Аляксандр (1890 — 1988) і Марыя (1898 — 1995) Стагановічы — дзеячы эміграцыі. Для падтрымкі непрыдуманай літаратуры і яе аўтараў ў Беларусі іх дачкой, мастачкай з Нью-Ёрка Тамарай Стагановіч-Кольбай, якая жадала таксама ўшанаваць памяць пра бацькоў, была заснавана гэта ўзнагарода.
Першая прэмія была ўручана за кнігі, надрукаваныя ў Беларусі на беларускай мове ў 2011—2014 гг.
Партнёрамі ў арганізацыі конкурсу і ўручэнні прэміі выступілі: Беларускі інстытут навукі і мастацтва, ГА «Саюз беларускіх пісьменнікаў», МГА «Згуртаванне беларусаў свету «Бацькаўшчына», выдавецтва «Лімарыус».
-
Наста Кудасава адправілася ў паэтычны тур па краінах Балтыі
-
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ
-
Памёр стваральнік Сляпянскай воднай сістэмы. Здаецца, унікальны канал неўзабаве таксама можа памерці
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары