Лукашэнка пасля майскіх святаў збіраецца наведаць МАЗ, МТЗ, Мінскі маторны завод
Аляксандр Лукашэнка пасля майскіх святаў мае намер наведаць МАЗ, МТЗ, Мінскі маторны завод. Пра гэта паведаміла журналістам па выніках нарады ў кіраўніка дзяржавы па пытаннях развіцця Мінска намеснік прэм'ер-міністра Наталля Качанава.
Наталля Качанава адзначыла, што на нарадзе была пастаўлена задача разабрацца з працай гэтых прадпрыемстваў. «Для таго каб высветліць рэальную карціну, я сама планую іх наведаць, сустрэцца з працоўнымі калектывамі і паглядзець на працу кіруючых кадраў», — сказала віцэ-прэм'ер.
На нарадзе размова ішла не толькі аб працы прамысловага комплексу сталіцы, але і аб пытаннях добраўпарадкавання і навядзення парадку ў горадзе да Дня Перамогі.
Старшыня Мінгарвыканкама Андрэй Шорац праінфармаваў аб будаўніцтве цэнтра мастацкай гімнастыкі. Паводле яго слоў, пасля змены забудоўшчыка пачата перапраектаванне цэнтра і ўжо ў бліжэйшы час плануецца пачатак яго будаўніцтва. Кіраўнік дзяржавы звярнуў асаблівую ўвагу на эканомію сродкаў пры ўзвядзенні цэнтра і запатрабаваў распрацаваць найбольш аптымальны варыянт суадносін кошту і якасці, будаваць без празмернасцяў, каб цэнтр быў шматфункцыянальны і аптымальны.
Цяпер чытаюць
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары