Жанчыне было 53 гады.
У нумары аднаго з гатэляў горада Охрыд у Паўночнай Македоніі 4 жніўня знайшлі цела 53‑гадовай грамадзянкі Беларусі. Пра здарэнне мясцовай паліцыі паведамілі каля 15:40.
Доктар хуткай медыцынскай дапамогі канстатаваў смерць жанчыны і адзначыў адсутнасць бачных слядоў гвалту.
Цела загінулай накіравалі на экспертызу для дакладнага высвятлення прычын смерці. Паліцыя працягвае расследаванне, паведамляе македонскі TRN.
Пра смерць беларускай турысткі ў Паўночнай Македоніі сёння без падрабязнасцяў паведаміў МЗС.
«Пасольства Беларусі ў Сербіі знаходзіцца ў кантакце з праваахоўнымі органамі Паўночнай Македоніі, кіраўніком турыстычнай групы і сваякамі загінулай», — праінфармавалі ў МЗС.
Цяпер чытаюць
«Кайлас, я іду». Што за беларуска знікла ў жудасным селі ў Непале6
Каментары