Былой амбасадарцы Украіны ў ЗША Вользе Стэфанішынай выставілі абвінавачанне ў карупцыі
Уладзімір Зяленскі яе толькі заўчора звольніў.
Нацыянальнае антыкарупцыйнае бюро і Спецыялізаваная антыкарупцыйная пракуратура Украіны 5 жніўня абвясцілі падазрэнне былой віцэ-прэм'ерцы і экс-паслу Украіны ў ЗША Вользе Стэфанішынай, піша РБК-Украіна.
Праваахоўнікі падазраюць 40‑гадовую чыноўніцу ў незаконным абагачэнні і падачы недакладнай інфармацыі ў дэкларацыі.
Вышэйшы антыкарупцыйны суд Украіны ўжо пачаў разгляд справы па абранні для яе меры стрымання. Адвакаты Стэфанішынай хадайнічалі пра правядзенне судовых пасяджэнняў у закрытым рэжыме.
Расследаванне ў дачыненні да Стэфанішынай трывае ўжо пэўны час: яшчэ ў канцы ліпеня НАБУ і САП правялі ў яе вобыскі. Дакладна не вядома, у чым яе вінавацяць. СМІ пішуць версію, што ў перыяд працы ва ўрадзе і дыпламатычным корпусе яна аформіла на сваякоў і давераных асоб шэраг элітных аб'ектаў нерухомасці, вартасць якіх значна перавышае яе афіцыйныя даходы.
Сама Стэфанішына раней адкідала абвінавачанні і сцвярджала, што нерухомасць была куплена яе бацькамі за кошт даўніх інвестыцый.
У панядзелак, 3 жніўня, стала вядома, што Зяленскі вызваліў Стэфанішыну ад пасады пасла ў ЗША. Стэфанішына ж паведаміла, што пайшла ў адстаўку па ўласным жаданні.
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары