У выніку ўдару па Кіеве загінулі 17 чалавек, 44 параненыя. Найбольш ахвяр — людзі, якія чакалі цягнік
Восем чалавек загінулі на платформе станцыі пад Броварамі ў Кіеўскай вобласці.
Людзі не паспелі сесці ў цягнік, які крыху затрымаўся, распавёў кіраўнік Броварскай раённай дзяржаўнай адміністрацыі Віталій Бягун.
Начны ўдар па Кіеўшчыне пракаментаваў у сваім тэлеграм-канале Уладзімір Зяленскі.
«На гэты момант вядома пра 44 пацярпелых у выніку масіраванага расійскага ўдару па Кіеве і Кіеўшчыне. Яшчэ 17 чалавек, на жаль, загінулі. Мае спачуванні родным і блізкім. Удар быў цяжкім: 24 балістычныя ракеты, 4 «Цырконы/Оніксы» і яшчэ 115 дронаў, значная частка з якіх — рэактыўныя. Асноўная мэта атакі — складскія памяшканні грамадзянскіх прадпрыемстваў, таксама былі ўдары па інфраструктуры і чыгуначнай станцыі. Гэта былі аб’екты, якія не маюць дачынення да вайны: піваварная кампанія, склады будаўнічых матэрыялаў, грамадзянская лагістыка», — паведаміў прэзідэнт Украіны.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары
[Зрэдагавана]