Яна тычыцца крадзяжу бетону ў асабліва буйным памеры.
«Устаноўлена, што шэраг кіроўцаў прыватных транспартных арганізацый і службовыя асобы будаўнічых вытворчых арганізацый Мінска, у перыяд часу з кастрычніка 2013 па люты 2014, уступіўшы ў злачынную змову, сістэматычна здзяйснялі крадзяжы бетонных сумесяў, як з тэрыторыі вытворчай базы, так і з будаўнічых аб’ектаў», — расказала афіцыйны прадстаўнік упраўлення Следчага камітэта па Мінскай вобласці Таццяна Беланог.
Следствам атрыманы доказы 40 фактаў крадзяжу. Да крымінальнай адказнасці прыцягнуты 16 чалавек.
«Схема злачыннай дзейнасці заключалася ў тым, што абвінавачаныя, загадзя ўзгадніўшы свае дзеянні, спісвалі атрыманыя на заводзе бетонныя сумесі як будаўнічыя матэрыялы ўжо выкарыстаныя на мэтавых будаўнічых аб’ектах. Пасля скрадзенае прадавалася фізічным асобам і дастаўлялася на ўчасткі індывідуальнай забудовы. З мэтай утойвання крадзяжу бетону ў суправаджальныя і іншыя дакументы ўносіліся загадзя лжывыя звесткі. Грашовыя сродкі, атрыманыя злачынным шляхам, размяркоўваліся паміж фігурантамі, — адзначыла Беланог.
Нанесеную шкоду ў 300 мільёнаў рублёў ужо кампенсавалі. Накладзены арышт на маёмасць абвінавачаных на 1,5 мільярда рублёў.
Падчас расследавання выяўлены фармалізм у працы службовых асоб, адказных за арганізацыю дзейнасці на будаўнічых аб'ектах. Неналежны кантроль і захаванасць будаўнічых матэрыялаў, адсутнасць належнай праверкі суправаджальнай дакументацыі паспрыялі здзяйсненню крадзяжу маёмасці. На адрас кіраўніцтва ААТ «Мапід», ААТ «Мінскжалезабетон» і шэрагу прыватных транспартных арганізацый накіраваны прадстаўленні аб ліквідацыі выяўленых недахопаў і прыняцці мер па забеспячэнню належнага кантролю.
Крымінальная справа перададзена ў пракуратуру для накіравання ў суд.
Каментары