Праз порт у Клайпедзе ў мінулым годзе перавезлі каля 1 мільёна тон беларускіх і расійскіх грузаў
У 2025 годзе праз Клайпедскі марскі порт у Літве было перавезена каля 1 мільёна тон беларускіх і расійскіх грузаў. З іх 769 тысяч тон прыпадала на беларускія грузы і 236 тысяч тон — на расійскія. Гэта адпаведна каля 2% і 0,6% ад агульнага гадавога аб’ёму перавалкі порта, паведамляе LRT.
Пры гэтым, як адзначаецца, праз забарону на транзіт беларускіх калійных угнаенняў праз Літву порт штогод недаатрымлівае каля 14 мільёнаў еўра. Паводле падлікаў дырэкцыі, у 2022—2026 гадах агульныя страты склалі прыкладна 56 мільёнаў еўра.
Да ўвядзення санкцый, у 2021 годзе, аб’ём перавалкі беларускіх калійных угнаенняў у Клайпедзе дасягаў амаль 12 мільёнаў тон — гэта была амаль траціна ад усёй гадавой перавалкі (45,6 мільёна тон). Пасля спынення транзіту ўгнаенняў порт страціў значную частку даходаў, што адбілася і на кампаніях, звязаных з перавозкамі і лагістыкай.
Нягледзячы на гэта, у 2025 годзе агульны аб’ём перавалкі склаў 39 мільёнаў тон. Рост забяспечылі кантэйнерныя грузы, паромныя перавозкі і звадкаваны прыродны газ.
Праз Клайпеду цяпер транспартуюцца толькі тыя грузы з Беларусі і Расіі, якія не трапляюць пад накладзеныя на іх санкцыі. У асноўным гэта жывёльныя і раслінныя тлушчы, алеі, прадукты харчавання, напоі, тытунёвыя і раслінныя вырабы.
Еўрапейскі саюз днямі на год падоўжыў санкцыі супраць Беларусі, у тым ліку ў дачыненні да ўгнаенняў. Раней Літва спыніла транзіт прадукцыі кампаніі «Беларуськалій», а пасля пачатку поўнамаштабнага ўварвання Расіі ва Украіну санкцыі былі пашыраныя.
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
Прэм'ер Літвы: Тэма аднаўлення транзіту беларускіх угнаенняў штучна нагнятаецца
Наўседа: Гандаль каштоўнасцямі непрымальны, Літва па-ранейшаму будзе блакаваць транзіт беларускіх угнаенняў
Літва не будзе прапускаць беларускі калій праз Клайпеду, нягледзячы на адмену санкцый ЗША
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ1
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
Лекі, прадукты харчавання і сыравіна для вытворчасці харчавання не падлягаюць санкцыям. Ніколі і нідзе.
Дарэчы, калі ў аптэках і бальніцах знікаюць пэўныя лекі, то не з прычыны міжнародных санкцыяў. Значыць дзяржава сама або не закупляе канкрэтныя лекі, або стварае фармальныя перашкоды для легальнага абароту гэтага леку.