Пра змену планаў паведаміў кіраўнік касмічнага агенцтва Джарэд Айзекман. Раней планавалася, што пасадка адбудзецца ў межах місіі Artemis III — заключнага этапу амерыканскай месяцовай праграмы «Артэміда» — ужо ў 2027 годзе.
Галоўная мэта праграмы — вярнуць чалавека на Месяц упершыню з 1972 года, калі адбылася місія «Апалон-17». Усяго прадугледжаныя тры асноўныя палёты: беспілотны аблёт Месяца (Artemis I), пілатаваны аблёт (Artemis II) і місія з высадкай экіпажа каля паўднёвага полюса спадарожніка Зямлі (Artemis III).
Аднак з-за затрымак і тэхнічных цяжкасцяў падчас падрыхтоўкі Artemis II план быў перагледжаны. Цяпер запуск Artemis III у 2027 годзе не будзе ўключаць высадку на Месяц. Замест гэтага місія прадугледжвае дэманстрацыю карабля Orion на нізкай калязямной арбіце і адпрацоўку стыкоўкі з пастаўшчыкамі месяцавых пасадачных модуляў.
Паміж магчымым палётам Artemis II і будучай высадкай NASA плануе правесці некалькі дадатковых місій. Паводле слоў кіраўніка агенцтва, гэта дапаможа лепш падрыхтавацца да запуску і павысіць надзейнасць сістэм. Калі ўсё пройдзе паспяхова, высадка можа адбыцца падчас місіі Artemis IV у пачатку 2028 года або Artemis V у канцы таго ж года.
Першы запуск праграмы — Artemis I — адбыўся ў жніўні 2022 года: карабель Orion абляцеў Месяц і ў лістападзе паспяхова вярнуўся на Зямлю, прызямліўшыся ў Ціхім акіяне. Наступныя місіі пераносіліся з-за выяўленых недахопаў у сістэмах жыццезабеспячэння і цеплавой абароне карабля.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары