Ратавальнікі ў Мінску дасталі кацяня з вулічнай ліхтарні
Напярэдадні вечарам у службу «101» паступіла паведамленне: у раёне дома №40 на вуліцы Ракаўскай патрабуецца дапамога кату.
Як паведаміў прэс-сакратар Мінскага гарадскога ўпраўлення МНС Віталь Дэмбоўскі, жывёла аказалася заблакаванай у слупе мачты вулічнага асвятлення. Кацяня выратавалі.
«Я праходзіў побач. Неабыякавыя да лёсу кацяняці людзі ўжо выклікалі МНС. Аказалася, што звярок праваліўся ў глыбокую паражніну ў асвятляльнай мачце праз маленькую адтуліну для кабеляў, — распавядае відавочца Яўген.
— Байцы МНС спачатку прыбралі тратуарную плітку каля слупа. Гучалі розныя варыянты выратавання. Хтосьці прапаноўваў напоўніць паражніну вадой, каб кацяня усплыло — гэтая версія была адпрэчаная, бо магло здарыцца кароткае замыканне, дый кацяня было заслабое. Іншы варыянт — пашырыць адтуліну, каб спусціць больш прыдатнае абсталяванне — таксама палічылі небяспечным з-за наяўнасці высакавольтных кабеляў. Адзін з мінакоў прынёс рыбалоўныя сеткі і кручкі. Але заблытаць кацяня ў сетку не атрымлівалася. У выніку выцягнуць яго адтуль змог адзін з ратавальнікаў — ён падчапіў жывёлу за карак. Складана сабе ўявіць, як яму гэта ўдалося, бо дзейнічаў ратавальнік ледзь не навобмацак! Кацяня забрала да сябе дзяўчына».
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»30
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары