За неасавецкую беларускую сімволіку ў некаторых краінах свету могуць пакараць — Вікіпедыя
Пра імаверную адказнасць за выкарыстанне дзяржаўнага герба Беларусі ў шэрагу краін папярэджвае Вікіпедыя на адпаведнай старонцы.
«Гэтая выява ўтрымлівае сімвал, які выкарыстоўвалі камуністычныя ўрады Савецкага Саюза, іншых еўрапейскіх краін і звязаныя з імі арганізацыі. У залежнасці ад кантэксту, выкарыстанне гэтых сімвалаў можа быць незаконным у Венгрыі (Крымінальны кодэкс Венгрыі 269/B.§ (1993), Латвіі, Літве, Украіне, Польшчы і Грузіі», — пазначана ў апісанні да дзяржаўнага герба Беларусі.
У пералічаных краінах дзейнічаюць законы, якія забараняюць камуністычную і нацысцкую сімволіку. Але, як правіла, там жа асобна прапісана і тое, што дзейсная дзяржаўная сімволіка не лічыцца незаконнай.
Праўда, у тамтэйшых праваахоўнікаў будзе лішняя нагода «прычапіцца», калі ім на вочы патрапіцца афіцыйны беларускі герб з чырвонай зоркай — камуністычныя сімвалы так падобныя адзін да аднаго, што цяжка разабрацца, ці яны яшчэ дзейсныя, ці ўжо забароненыя.
Заведзеная адказнасць за выкарыстанне нацысцкіх альбо савецкіх сімвалаў — штраф ці ўмоўны тэрмін.
Цяпер чытаюць
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу7
Каментары