Каля Кургана Славы ў Смалявіцкім раёне пасля маштабнай рэканструкцыі адкрылася кавярня «Ля Кургана», аформленая ў стылі 1960—1970‑х гадоў. Адкрыццё прымеркавалі да 60‑годдзя пачатку будаўніцтва мемарыяльнага комплексу, паведамляе «Мінская праўда».
Ранейшая кавярня тут была невялікай і састарэлай, таму ў кастрычніку 2025 года пачалася яе мадэрнізацыя. Планавалася завяршыць работы да канца ліпеня 2026 года, але будаўнікі справіліся раней. Першыя наведвальнікі змаглі ацаніць абноўлены аб'ект ужо 25 чэрвеня.
Цяпер кавярня можа адначасова прыняць да 120 чалавек. Унутры размешчаныя прасторная абедзенная зала, банкетная зала для афіцыйных сустрэч, барная зона і адкрытая тэраса. Агульная плошча будынка складае каля 500 квадратных метраў. Вялікія панарамныя вокны адкрываюць від на мемарыял.
Асноўная ідэя праекта — перанесці гасцей у атмасферу часу, калі ствараўся сам Курган Славы. У інтэр'еры выкарыстаныя мэбля і свяцільні ў стылі савецкіх 1970‑х гадоў. Галоўным элементам аздаблення стала васьміметровая мазаіка з выявай ордэна Айчыннай вайны, падобнага да таго, што знаходзіцца ў падножжы мемарыяла.
Сцены ўпрыгожваюць карціны, прысвечаныя гісторыі Кургана Славы. На іх адлюстраванае будаўніцтва мемарыяла, яго адкрыццё, а таксама візіты вядомых гасцей, сярод якіх кубінскі камуністычны лідар Фідэль Кастра, мастак Міхаіл Савіцкі, кіраўнікі Беларусі, Расіі і Украіны.
Асобна ўспамінаецца гісторыя пра візіт Кастра, які пасля пад'ёму на вяршыню кургана пад дажджом спусціўся не па лесвіцы, а проста па стромкім схіле.
Меню таксама вытрымана ў савецкай стылістыцы. Наведвальнікам прапануюць салату «Міністэрская», савецкі варыянт «Аліўе», катлету «Саўмінаўская» і дэсерт «Цёплы ўспамін».
Цэны застаюцца даступнымі: большасць гарачых страў каштуюць ад 10 да 20 рублёў, а фірмовыя стравы — каля 30 рублёў.
Для стварэння поўнай атмасферы эпохі ў адпаведным стылі аформілі нават форму афіцыянтаў і музычнае суправаджэнне.
Кавярня «Ля Кургана» будзе працаваць штодня з 10:00 да 22:00, за выключэннем панядзелка.
Закрываецца адна з мінскіх кавярняў сеткі «Зерно»
Расіянка не змагла расплаціцца расійскай картай у мінскай кавярні. У выніку за яе заплацілі мінчукі
«З’явіліся шанцы на выратаванне». Пякарня LЁN, якая абвясціла пра закрыццё, пакуль працягне працу
Ці павінны кавярні і рэстараны бясплатна наліваць наведвальнікам ваду?
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні4
Каментары
Вось гэта культура так званай "Белой Руси", дзе жывуць праваслаўныя атэісты - рускія са знакам якасьці. Яны сябе адчувалі выдатна і калі за Луку галасавалі ў 94-м, і цяпер таксама.
Гэта іхняя краіна. А вы, беларускамоўныя/каталікі/сьвядомыя/апазіцыянеры - чужыя.
Ідзе этнічна-палітычная грамадзянская вайна.