А.Лукашэнка паведаміў, што ў 2007 годзе праваахоўнымі органамі неабгрунтавана прыцягваліся да крымінальнай адказнасці 227 чалавек, судовы разгляд 368 крымінальных спраў адкладваўся з‑за неабходнасці збору дадатковых доказаў і перавыстаўлення абвінавачанняў.
А.Лукашэнка лічыць, што на якасна новы ўзровень неабходна ўзняць і падтрыманне пракурорамі дзяржаўнага абвінавачання ў судах. Паводле слоў прэзідэнта, не павінен чалавек, які прадстаўляе абвінавачанне ад асобы дзяржавы, быць прафесійна ніжэйшы за адваката.
«Дзяржава чакае ад пракуратуры больш актыўнай ролі ў арганізацыі выканання палажэнняў трох дырэктыў прэзідэнта», — сказаў А.Лукашэнка. Ён акцэнтаваў увагу на тым, што ніводзін дзяржаўны орган не павінен знаходзіцца па‑за кантролем.
Каментары