Муніцыпальны маскоўскі дэпутат Аляксей Лісавенка ў сваім фэйсбуку заявіў пра тое, што мае намер дамагчыся ўнясення сцяга ЛГБТ-супольнасці ў спіс забароненай у Расіі сімволікі.
У сваім звароце Лісавенкі абвінавачвае ЗША ў страце розуму і перасцерагае расійскае грамадства «ад знешняй пагрозы».
«У сувязі з гэтым накіроўваю прапанову першаму намесніку старшыні камітэта Дзярждумы па інфармацыйнай палітыцы, інфармацыйных тэхналогіях і сувязі Крупенікаву Уладзіміру Александровічу аб унясенні сцяга ЛГБТ-супольнасці ў спіс забароненай сімволікі на тэрыторыі Расіі і пашырэнні паўнамоцтваў Раскамнагляда па блакаванні сайтаў, акаўнтаў у сацсетках за выкарыстанне ў афармленні, у публікацыях сцяга ЛГБТ», — гаворыцца ў паведамленні.
Каментары