За выхад у групавы этап Лігі чэмпіёнаў БАТЭ згуляе з сербскім «Партызанам»
Сёння прайшло лёсаванне этап плэй-оф футбольнай Лігі чэмпіёнаў. Трывожнымі гэтыя хвіліны былі і для БАТЭ.
Супернікам барысаўскага клуба стаў славуты белградскі «Партызан».
Сербы ў папярэдніх раўндах перамагалі грузінскую «Дылу» і румынскае «Сцяўа». БАТЭ ж быў мацнейшым за ірландскі «Дандалк» і венгерскі «Відэатон».
Першы матч каманд пройдзе ў Барысаве 18-19 жніўня, праз тыдзень каманды пераедуць у Бялград.
«Партызан» – адзін з найбольш тытулаваных клубаў Балкан. Каманда адзінаццаць разоў выйгравала першынства Югаславіі. А ўжо пасля развалу краіны клуб яшчэ пятнаццаць разоў быў наймацнейшым у Сербіі. У далёкім 1966 годзе «Партызан» гуляў у фінале Кубка еўрапейскім чэмпіёнаў.
Форма каманды «Партызан» – чорна-белая. Неафіцыйная назва Гробари (у перакладзе на беларускую магільшчыкі, далакопы) – так называецца адна з самых шматлікіх фанацкіх груповак «Партызана». У Сербіі заўзеюць за любімыя клубы да бяспамяцтва. Мабыць, шмат сербаў прыедзе і ў Барысаў, бо паміж краінамі існуе бязвізавы рэжым.
БАТЭ раней ніколі не сустракаўся з сербскімі камандамі. Агулам жа беларускія каманды з сербскімі перасякаліся ў еўракубках чатыры разы. Апошняе супрацьстаянне датаванае 2012 годам, калі наваполацкі «Нафтан» і бялградская «Црвена Звезда» выдалі сапраўдны трылер (3:4, 3:3). На жаль, беларусы тады далей не прайшлі. У БАТЭ ёсць магчымасць паправіць статыстыку.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі27
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары