Ля мінскага рынку актывісты збіралі подпісы за каранацыю Лукашэнкі — людзі падпісваліся ФОТА
У адной з суполак беларускіх анархістаў УКантакце з'явілася справаздача з акцыі па вылучэнні Лукашэнкі на пасаду пажыццёвага кіраўніка Беларусі.
«9 жніўня, у самы разгар дня, ля ўваходу на рынак па вуліцы Куляшова сацыяльнымі актывістамі была праведзена акцыя «За пажыццёвую каранацыю Аляксандра Рыгоравіча Лукашэнкі! — пішуць анархісты, — Нягледзячы на відавочную абсурднасць і іранічнасць акцыі, знайшліся людзі, якія ўсур’ёз яе горача падтрымалі і ўхвалілі, хтосьці ў спешцы толькі на словах, а хтосьці і радасна паставіўшы свой подпіс».
Паводле анархістаў, рэакцыя мінакоў была рознай — хтосьці не разумеў іроніі, хтосьці лаяўся ў бок Лукашэнкі і актывістаў.
Па выніках атрымалася сабраць 7 подпісаў да таго часу, як з'явілася міліцыя. Праўда, затрымаць анархістаў яна не паспела.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары