Коля Лукашэнка развёз першую партыю сабранага ў «Драздах ураджаю ФОТЫ
Першая партыя сабранага на тэрыторыі афіцыйнай рэзідэнцыі прэзідэнта Беларусі «Дразды» ўраджаю паступіла сёння ў мінскія Дом-інтэрнат для пенсіянераў і інвалідаў і Дзіцячы гарадок Ленінскага раёна.
Пра гэта БелТА паведаміла прэс-сакратар кіраўніка дзяржавы Наталля Эйсмант.
Экалагічна чыстую прадукцыю — бульбу, агуркі, памідоры, кабачкі, дыні, кавуны, вырашчаныя кіраўніком дзяржавы, развозіў яго малодшы сын Мікалай Лукашэнка.
Дом-інтэрнат для пенсіянераў і інвалідаў невыпадкова быў абраны для дастаўкі першай партыі прадукцыі. У снежні шэфства над домам-інтэрнатам узялі вучні Астрашыцка-Гарадоцкай агульнаадукацыйнай сярэдняй школы, у якой вучыцца Мікалай Лукашэнка. З гэтага часу школьнікі пастаянна наведваюць пажылых людзей, запрашаюць да сябе ў госці, выступаюць з мастацкімі пастаноўкамі. Як адзначыла Наталля Эйсмант, тут засталіся вельмі рады вітамінным гасцінцам.
У Дзіцячым гарадку таксама з вялікім задавальненнем прынялі прывезеную прадукцыю. З 90 хлопчыкаў і дзяўчынак, якія пражываюць тут, у цяперашні час у Мінску знаходзяцца толькі 15, астатнія выехалі на аздараўленне. Хлопцы правялі для гасцей невялікую экскурсію, паказалі, як яны жывуць, чым займаюцца ў вольны час, як трэніруюцца.
Цяпер чытаюць
Беларус-грузчык, які стаў асабістым памочнікам і даверанай асобай кіраўніка расійскага Сбербанка Германа Грэфа, сапраўды існуе5
Каментары