Цяпер яна памочніца Аляксандра Лукашэнкі па Магілёўскай вобласці.
65‑гадовая Надзея Каткавец прызначана памочнікам Лукашэнкі — інспектарам па Магілёўскай вобласці. Чыноўніца найбольш запомнілася сваімі развагамі пра «хаацічаскі сложаныя цэны».
«Надзея Мікалаеўна, я вас ведаю даўно. Вы чалавек актыўны. Напэўна, больш вопытнага за сталом нікога няма. Усё будзе залежаць ад таго, наколькі вы і далей будзеце такім актыўным чалавекам. Як вы бачыце, заседзецца на месцы недзе там я вам не даў, — сказаў Лукашэнка ёй. — Адпачылі трошкі і наперад».
Каткавец апошнім часам была на пенсіі, але займалася навуковай дзейнасцю.
Яна пачынала сваю працоўную дзейнасць у Шклоўскім раёне, у саўгасе «Гарадзец», дзе працаваў і Лукашэнка. Пазней была чыноўніцай, дарасла ў 2013‑м да намесніцы кіраўніка спраў Лукашэнкі (на гэтай пасадзе была да 2017-га). Пасля Каткавец стала старшынёй назіральнай рады Парытэтбанка, а з канца 2017-га працавала ў Беларускай нацыянальнай біятэхналагічнай карпарацыі. Апошнія гады (2022-2023) працавала ў рэгіянальных філіялах БНБК.
Акрамя таго, памочнікам — інспектарам па Гомельскай вобласці прызначаны Юрый Валяваты. Дагэтуль ён працаваў першым намеснікам старшыні Гродзенскага аблвыканкама.
Дзмітрый Рэуцкі стаў памочнікам Лукашэнкі і інспектарам па Мінску. Раней ён быў намеснікам старшыні КДБ.
Таксама Лукашэнка змяніў кіраўнікоў у Шклоўскім і Бабруйскім раёнах. Новым старшынёй Шклоўскага райвыканкама стаў Міхаіл Крыцкі. Сюды ён пяройдзе з пасады кіраўніка Бабруйскага райвыканкама, на чале якога цяпер будзе працаваць Аляксандр Каўранін. Ён да гэтага часу быў першым намеснікам старшыні — начальнікам упраўлення па сельскай гаспадарцы і харчаванні Бабруйскага райвыканкама.
-
У 7‑й спецбрыгадзе ўнутраных войскаў змянілі камандзіра і ідэолага — неўзабаве пасля праверкі боегатоўнасці
-
Латушка: Перамовы па Украіне могуць адкрыць магчымасці для Беларусі. Дэмсілы павінны быць за сталом
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]