КДБ арыштаваў партнёра Чыжа Уладзіміра Япрынцава і ягоны катэдж у Драздах
Яшчэ тры дні таму Юрый Чыж збіраў кавуны ў Драздах.
Камітэт дзяржаўнай бяспекі арыштаваў аднаго з самых уплывовых бізнэсоўцаў краіны Уладзіміра Япрынцава, добрага сябра мільярдэра Юрыя Чыжа і саўладальнік кампаніі «Трайпл».
Акрамя таго, бізнэсмен займае пасаду старшыні Беларускай федэрацыі самба і дзюдо.
Як стала вядома «НН», 17 жніўня ў Драздах быў апячатаны катэдж Япрынцава. Падставай для арышту маёмасці стала пастанова Камітэта дзяржаўнай бяспекі ад 12 жніўня 2015 года.
«Беларускі партызан» са спасылкай на «вартыя даверу крыніцы» паведаміў, што бізнэсоўца затрымалі на днях пасля ягонага вяртання з Масквы, у аперацыі браў удзел спецназ.
Усе тэлефоны «Трайпла» маўчаць. «Наша Ніва» не змагла датэлефанавацца не толькі ў прэс-службу, але і на іншыя названыя на сайце кампаніі нумары.
Бізнэс-партнёры Япрынцава таксама пакуль ніяк не каментавалі сітуацыі.
Каментары