Сакратар Міністэрства зносінаў Літоўскай Рэспублікі Рымвідас Градаўскас заявіў, што ў Літве спрабуюць зразумець, якім чынам беларусы вырашылі праблему бясьпекі на дарозе.
Чынавенства Літоўскай Рэспублікі высьвятляе, як прымусіць пешаходаў дбаць пра ўласную бяспеку. Сакратар Міністэрства зносінаў Літоўскай Рэспублікі Рымвідас Градаўскас заявіў, што ў Літве спрабуюць зразумець, якім чынам беларусы вырашылі праблему бясьпекі на дарозе.
Паводле Градаўскаса, хутчэй за ўсё, давядзецца прасіць паліцыю спаганяць больш высокія штрафы зь людзей за адсутнасьць святлоадбівальнікаў у цёмны час сутак. Пры гэтым, падкрэсьліў ён, ужо цяпер за гэтае правапарушэньне можна атрымаць штраф у 100 літаў (прыкладна 29 эўраў).
У студзені 2008 году ў Літве было зафіксавана 231 сутыкненьне аўтамабіляў зь пешаходамі, 149 аварый адбылося ў цёмны час сутак. У выніку загінула 25 пешаходаў, зь іх 23 — у цёмны час сутак.
«Беларусь цябе любіць». Рэпартаж з развітання з Мікітам Мелказёравым8
Каментары