У сітуацыі ва Украіне значна менш прагрэсу, чым чакалася, і не было ніякіх планаў аб сустрэчы кіраўнікоў Францыі, Германіі, Расіі і Украіны для абмеркавання далейшых крокаў.
Пра гэта заявіла канцлер Германіі Ангела Меркель, паведамляе Reuters.
«Мы дамовіліся, што правядзем тэлефонную размову ў якасці наступнага кроку, і таксама можа быць сустрэча міністраў замежных спраў», — сказала Меркель у Берліне і дадала, што сустрэча лідараў чатырох краін мае сэнс толькі, калі будзе прагрэс у сітуацыі ва Украіне.
Меркель таксама прывітала рашэнне парламента Украіны, які прагаласаваў у першым чытанні за змены ў Канстытуцыю.
Раней прэзідэнт Украіны Пятро Парашэнка не выключыў магчымасці сустрэчы лідараў дзяржаў «нармандскай» чацвёркі падчас правядзення штогадовай сесіі Генеральнай асамблеі ААН, адкрыццё якой чакаецца ў канцы верасня.
Цяпер чытаюць
Ці закрыюць Еўропу для беларусаў? Дарадца Ціханоўскай распавёў, пра што дамовіўся ў Берліне1
Каментары