Прэзідэнцкая ахова ў Буркіна-Фасо арыштавала часовага выконваўцу абавязкаў кіраўніка дзяржавы Мішэля Кафонда і членаў урада краіны, у тым ліку прэм'ер-міністра.
Па дадзеных агенцтва Рэйтэр, прэзідэнт і ўрад былі арыштаваныя проста падчас пасяджэння кабінета міністраў. Якіх-небудзь патрабаванняў вайскоўцы не агучваюць.
Раней часовыя ўлады краіны выступілі за роспуск прэзідэнцкай аховы, матываваўшы такую прапанову залішняй уплывовасцю і недастатковай кіравальнасцю яе членаў.
На кастрычнік у краіне запланаваны выбары, па выніках якіх павінен быць абраны пастаянны прэзідэнт.
У апошні год Буркіна-Фасо кіруюць часовы прэзідэнт і часовы кабінет міністраў. Пераходны перыяд пачаўся ў мінулым кастрычніку пасля адхілення ад улады папярэдняга прэзідэнта Блеза Кампаорэ.
Цяпер Кампаорэ хаваецца ў Марока. Часовыя ўлады Буркіна-Фасо патрабавалі яго экстрадыцыі, аднак хадайніцтва да гэтага часу не задаволена.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары