У Беларусі з 1 ліпеня пачнуць дзейнічаць новыя патрабаванні да тыпавых спажывецкіх якасцяў жылля. Змены тычацца найперш арэнднага жылля і павінны павысіць яго камфортнасць для жыхароў, паведамляе тэлеканал СТБ.
Паводле новых правіл, у кожнай новай арэнднай кватэры абавязкова павінны быць мэбля і базавая бытавая тэхніка. У пералік уваходзяць халадзільнік з маразільнай камерай, пральная машына і мікрахвалевая печ. Пры гэтым тэхніка павінна быць беларускай вытворчасці.
Таксама новыя нормы закранаюць аздабленне кватэр. Ванныя пакоі і туалеты павінны быць цалкам абкладзеныя пліткай. У жылых пакоях прадугледжваецца кладка ламінату або паркетнай дошкі, а сцены павінны быць або пафарбаваныя, або абклееныя шпалерамі.
Асобна ў дакуменце прапісалі і максімальны кошт тэхнікі:
- халадзільнік — не даражэйшы за 30 базавых велічынь;
- пральная машына — да 25 базавых;
- мікрахвалевая печ — да 9 базавых велічынь.
У Міністэрстве архітэктуры і будаўніцтва адзначаюць, што галоўная мэта новаўвядзенняў — зрабіць арэнднае жыллё больш зручным для жыцця, каб людзі маглі адразу заязджаць у кватэру пасля атрымання ключоў.
Акрамя таго, улады разлічваюць, што новыя патрабаванні падтрымаюць беларускіх вытворцаў мэблі, бытавой тэхнікі і будаўнічых матэрыялаў.
Хто жыве ў лукашэнкаўскім эксперыментальным пасёлку побач з прапагандыстам Турам?
Лукашэнка зноў загадаў спыніць «шалёнае будаўніцтва жылля» ў Мінску
Арандатар: «Гаспадыня не аддае заставу 1120 — нібыта я «знішчыў» кватэру. Але гэта натуральны знос!»
«Гэта быў прытон». Муж і жонка ўзялі «забітую кватэру», уклалі ў яе 35 тысяч і цяпер жывуць бясплатна
Каментары