Адна з найстарэйшых абутковых фабрык Беларусі — «Нёман» з Гродна — апынулася на мяжы банкруцтва. Эканамічны суд Гродзенскай вобласці ўжо распачаў справу аб фінансавай неплацежаздольнасці прадпрыемства.
Фабрыка працуе з 1939 года і вядомая найперш вытворчасцю дзіцячага абутку. Для многіх беларусаў «Нёман» асацыюецца з класічнымі дзіцячымі сандалямі, якія выпускаліся яшчэ з савецкіх часоў.
Заяву ў суд прадпрыемства падало самастойна. Цяпер для фабрыкі ўведзены так званы ахоўны перыяд — час, калі спецыяльны кіраўнік ацэньвае, ці можна аднавіць плацежаздольнасць і пазбегнуць банкруцтва. Пакуль гэты перыяд дзейнічае да 1 чэрвеня.
Паводле судовых даных, пратэрмінаваная запазычанасць фабрыкі складае больш за 4,2 мільёна рублёў. З іх каля 3,17 мільёна — запазычанасці перад крэдыторамі, яшчэ больш за мільён — пазыкі і крэдыты.
Акрамя гэтага, супраць прадпрыемства адкрылі 54 выканаўчыя вытворчасці. Агульная сума патрабаванняў па іх перавышае 1,4 мільёна рублёў, а таксама ўключае даўгі ў еўра і ўкраінскіх грыўнях.
Пры гэтым маёмасць фабрыкі ацэньваецца прыкладна ў 14,1 мільёна рублёў. Значную частку складае ўжо гатовая прадукцыя на складах. Аднак свабодных грошай у прадпрыемства засталося ўсяго каля 22 тысяч рублёў.
Для «Нёмана» ўжо падрыхтавалі папярэдні план санацыі — фінансавага аздараўлення. Яшчэ раней фабрыка спрабавала самастойна стабілізаваць сітуацыю: распрацоўвала антыкрызісныя меры і хацела зменшыць даўгавую нагрузку за кошт спісання штрафаў і пеняў, але гэта не дапамагло.
Яшчэ ў 2022 годзе фабрыку перадалі пад кіраванне кампаніі «Белвест». Тады планавалася мадэрнізацыя і павелічэнне вытворчасці. Аднак пазней фінансавыя цяжкасці ўзніклі і ў самога «Белвеста», дзе ў 2026 годзе таксама пачалася працэдура санацыі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары