Візавыя цэнтры могуць пачаць прымаць дакументы з панядзелка. Збор прыйдзецца плаціць у рублях
фота Аляксандра Васюковіча, Tut.by
Візавыя цэнтры могуць пачаць прыём дакументаў ў панядзелак, 21 верасня. Але сказаць адназначна пра гэта не могуць. Тыя, хто збіраўся падавацца праз іх на візу, цяпер вымушаныя звяртацца ў пасольствы. У сувязі з гэтым у консульстве Літвы, напрыклад, павялічылі магчымасці па разглядзе хадайніцтваў у два разы.
— Арыентуем людзей на панядзелак, але ці пачнём прыём, не ведаем. Сёння прыходзяць людзі па гатовыя дакументы, — тлумачаць у офісе візавых цэнтраў Літвы, Іспаніі, Даніі і Грэцыі ў Мінску на вуліцы Чыгуначнай, 33.
У пасольстве Літвы ў Беларусі адзначаюць, што як толькі іх візавы цэнтр перабудуе працу і пачне прымаць консульскі збор у беларускіх рублях, а не ў еўра, яны запрацуюць паўнавартасна. Пры гэтым пасольства будзе прымаць збор ў пасярэдніка толькі ў еўра.
—Яны (прадстаўнікі візавых цэнтраў) кансультуюцца з Нацбанкам і іншымі інстанцыямі аб тым, якія ёсць опцыі, каб нам перакладаць збор, - тлумачаць у пасольстве.
Калі пытанне вырашыцца, невядома.
— Кажуць, што пачнуць прыём дакументаў на платныя візы ў бліжэйшыя дні. Яны (візавыя цэнтры) зацікаўлены ў тым, каб вырашыць пытанне і не трымаць супрацоўнікаў без працы, — каментуюць у пасольстве Літвы.
У сувязі з тым, што ўчора, 16 верасня, візавыя цэнтры па ўсёй краіне спынілі прыём дакументаў на платныя візы, у пасольстве Літвы ў Мінску павялічылі магчымасці па прыёме дакументаў у два разы. Калі раней яны штодня прымалі больш за 100 хадайніцтваў у дзень, то цяпер будуць каля 300.
На працы турфірмаў, якія адкрывалі візы кліентам праз візавыя цэнтры, гэта ніяк не адбілася.
-
Бабарыка быў страшна шчаслівы, калі даведаўся, што стаў дзедам — яго дачка нарадзіла ў Аўстраліі
-
«Супрацоўніца СІЗА крычыць канваіру: «Асцярожней! Ты вядзеш Нобелеўскага лаўрэата!»
-
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам1
Каментары