Жыхар Віцебска пісаў песні пра Лукашэнку, але папулярнасць здабыў у Расіі — у тых, хто падтрымлівае вайну
Павел Агееў — не проста паэт і кампазітар. Ён вядомы перадусім у інтэрнэце: пад нікам @a8p4s аўтар мае акаўнты ў Instagram, TіkTok і YouTube. Там ён выкладае свае песні, словы да якіх піша сам, а музыку — з дапамогай штучнага інтэлекту. З дапамогай ШІ ён стварае і кліпы да сваіх твораў. Адзнака поспеху для яго — рост колькасці праглядаў, піша «Віцебская вясна».
Але з нядаўняга часу песні Паўла Агеева пачалі выконваць у Расіі. Асабліва часта — на конкурсах і канцэртах з вайсковым ухілам, дзе згадваюць «герояў СВА». Найчасцей выканаўцы абіраюць дзве песні віцебскага аўтара — «Я дочь героя» і «Я буду ангелом твоим».
Пісаць «ідэйныя» творы Павел Агееў спрабаваў і на беларускую тэматыку. На яго старонках ёсць песні, прысвечаныя, да прыкладу, супрацоўнікам Дэпартамента аховы, a таксама відэавіншаванні з прафесійнымі святамі прадстаўнікоў МУС і КДБ. Аляксандр Лукашэнка таксама неаднойчы быў героем песень Паўла Агеева, асабліва падчас мінулых прэзідэнцкіх выбараў.
Ёсць у Агеева і песня, прысвечаная дзяржаўным гербу і сцягу. А зусім нядаўна аўтар выклаў свой твор, напісаны з нагоды пачатку «Вялікай Айчыннай вайны» — дата 22 чэрвеня сёлета шырока адзначалася ў Беларусі.
Раскруткай сваёй творчасці ён займаецца сам — з дапамогай прамацыйных ролікаў на сваіх старонках. Але ў беларускіх выканаўцаў песні Паўла Агеева не надта карыстаюцца попытам, нягледзячы на ўсе старанні адпавядаць ідэалагічнаму вектару.
Дзім Дзімыча больш не будзе
«Ён сапраўды дапамог украінскай арміі». Ва Украіне запусцілі насмешлівы флэшмоб пра Макса Каржа
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
Сілавікі запусцілі чат-бот для даносаў. Цяпер бондаравец Юспа стаў частым госцем на міліцэйскіх гутарках
Віцебскую прарасійскую актывістку Эльвіру Мірсалімаву выклікалі ў міліцыю
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі23
Каментары