У Данецку (Растоўская вобласць) пачалося слуханне справы грамадзянкі Украіны Надзеі Саўчанка, якая абвінавачваецца ў датычнасці да гібелі расійскіх журналістаў у Данбасе.
На першае пасяджэнне ў залу суда не пусцілі журналістаў — іх суправадзілі ў суседнюю аўдыторыю і арганізавалі відэатрансляцыю.
фота з фэйсбука адваката Надзеі Ільі Новікава
Надзея Саўчанка абвінавачваецца ў тым, што 17 чэрвеня 2014 г ажыццяўляла карэкціроўку абстрэлаў у Луганскай вобласці ў складзе батальёна «Айдар». У выніку абстрэлаў загінулі журналісты ВГТРК Ігар Карнялюк і Антон Валошын.
Саўчанка сцвярджае, што яе выкралі і даставілі на тэрыторыю Расіі. Расійскія ўлады лічаць, што яна самастойна перайшла мяжу з РФ, пасля чаго была затрыманая.
Каментары