Прэм’ер-міністр Вялікабрытаніі Кір Стармер абвясціў, што краіна пераходзіць у стан «баявой гатоўнасці» ў адказ на рост пагроз і глабальную нестабільнасць, паведамляе The Guardian.
У сваёй прамове ў Глазга на аб’екце BAE Systems Кір Стармер падкрэсліў, што новы абарончы план Вялікабрытаніі мае тры асноўныя напрамкі:
1) Падрыхтоўка краіны да ваенных дзеянняў;
2) Узмацненне ролі ў НАТА;
3) Увядзенне і паскарэнне вайсковых інавацый.
Таксама план прадугледжвае павелічэнне абаронных выдаткаў да 3% ВУП.
Урад Вялікабрытаніі мае намер:
- пабудаваць як мінімум шэсць новых заводаў па вытворчасці боепрыпасаў;
- стварыць гібрыдны флот з дронаў, караблёў, падводных лодак і самалётаў;
- у межах партнёрства AUKUS (з ЗША і Аўстраліяй) паставіць да 12 новых ударных падводных лодак;
- палепшыць умовы жыцця і забеспячэння для вайскоўцаў,
- укласці 15 мільярдаў фунтаў у праграму распрацоўкі ўласных ядзерных боегаловак.
Стармер адзначыў, што пагрозы сёння — найсур’ёзнейшыя з часоў Халоднай вайны. Ён згадаў пра вайну ва Украіне, новыя ядзерныя рызыкі, штодзённыя кібератакі і агрэсіўныя дзеянні Расіі ў паветры і водах Вялікабрытаніі.
Ён падкрэсліў: краіна мусіць быць гатовая абараніць мір праз сілу.
Міністр абароны Джон Хілі, у сваю чаргу, дадаў, што ўзмацненне ядзернага патэнцыялу — гэта выразны сігнал Маскве. У папярэдніх планах урада таксама было павелічэнне абаронных выдаткаў да 2,5% ВУП з цяперашніх 2,3% да 2027 года.
У абноўленым абаронным аглядзе Лондан прызнае Расію «неадкладнай і сур’ёзнай» пагрозай. У дакуменце адзначаецца, што з’яўленне дронаў, штучнага інтэлекту і іншых тэхналогій кардынальна змяняе характар сучаснай вайны.
Вось як слабела Амерыка і ўзмацняўся Кітай ГРАФІКІ
«Стрэл у спіну». Расія абвінаваціла Сербію ў пастаўцы боепрыпасаў Украіне
Танкі замест аўтамабіляў. ВПК замяняе аўтапрамысловасць у якасці галоўнага рухавіка эканомікі Германіі
Пуцін ужо перамалоў амаль усю спадчыну савецкага ВПК. Ці зменшыць гэта інтэнсіўнасць вайны?
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары