Зяленскі назваў расіян «ідыётамі» за прапанову прыпыніць агонь на 2-3 дні
Прэзідэнт Украіны Уладзімір Зяленскі на адмыслова праведзенай праз Zoom прэс-канферэнцыі пракаментаваў вынікі сённяшніх перамоў украінскай і расійскай дэлегацыі. У прыватнасці, ён выказаўся пра прапанову Масквы аб перамір'і на 2-3 дні для таго, каб сабраць целы загінулых салдат.
«Яны гатовыя на спыненне на 2-3 дні, каб забіраць забітых з поля бою. Я лічу — ідыёты, таму што, у прынцыпе, спыненне агню трэба для таго, каб не было забітых», — заявіў Зяленскі.
Ён таксама сказаў, што ў будучыні ўсё ж такі будзе прапрацоўвацца сустрэча паміж Расіяй і Украінай на ўзроўні лідараў краін:
«Што тычыцца сустрэчы лідараў, мне сказаў Умераў, што яны лічаць, што над гэтым можна працаваць у канцы гэтага месяца — пачатку наступнага».
Таксама Зяленскі падтрымаў прапанову прэзідэнта Турцыі Рэджэпа Таіпа Эрдагана аб магчымай арганізацыі сустрэчы чатырох прэзідэнтаў:
«Я меў размову з прэзідэнтам Турцыі Эрдаганам. І сапраўды, ад яго быў сігнал, як я стаўлюся, калі будзе сустрэча чатырох лідараў — ён, прэзідэнт Амерыкі, Пуцін і я. Я яму сказаў, што сустрэчу на ўзроўні лідараў я падтрымліваю, таму што ў мяне ўражанне, што спынення агню без нашай сустрэчы не будзе».
Пры гэтым ён адзначыў, што ЗША і ЕС пачалі ўзгадняць новы пакет санкцый супраць Расіі.
«Можа, трэба яшчэ пару нейкіх захадаў, і расіяне паспрабуюць паводзіць сябе як людзі».
Цяпер жа праз расійскія масіраваныя атакі ва Украіне ўзнік дэфіцыт газу на даволі вялікую суму:
«У нас ёсць дэфіцыт, я не хачу цяпер казаць вам на якую суму, на дастаткова вялікую суму. Мы перажываем гэта праз тое, што былі масіраваныя атакі па газасховішчах, а таксама па інфраструктуры здабычы газу. І гэта было з восені мінулага года», — сказаў Зяленскі.
Паводле яго слоў, Украіна абмяркоўвае здзелку на пастаўку газу з Нарвегіі на $1 млрд.
Зяленскі пацвердзіў планы хуткага новага вялікага абмену палоннымі. Паводле яго слоў, абмен плануецца па формуле «1000 на 1000», але магчымы таксама дадатковы «200 на 200», паколькі Украіна падняла пытанне адносна іншых вайскоўцаў, палітвязняў і журналістаў.
«Асобна спісамі мы абмяняемся з расіянамі на гэтым тыдні. Таксама будзе верыфікацыя — спадзяемся, што гэтым разам яны перададуць спісы загадзя», — дадаў прэзідэнт Украіны.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары
Поддерживаю.