Прэм'ер-міністр Беларусі Андрэй Кабякоў 28-29 верасня зробіць рабочы візіт у Расію, паведамілі БелТА ў прэс-службе беларускага ўрада.
У расійскай сталіцы Андрэй Кабякоў возьме ўдзел у пасяджэнні Савета Міністраў Саюзнай дзяржавы, якое запланавана на 29 верасня. Парадак дня ўключае 38 пытанняў, у тым ліку асобныя пытанні, якія мяркуецца ў далейшым вынесці на разгляд Вышэйшага дзяржаўнага савета Саюзнай дзяржавы. Як адзначылі ў прэс-службе ўрада, асноўная ўвага будзе нададзена абмеркаванню праблем гандлёва-эканамічнага супрацоўніцтва, крэдытна-інвестыцыйнага ўзаемадзеяння, пытанняў фарміравання і ажыццяўлення ўзгодненай прамысловай палітыкі. Мяркуецца разгледзець ход рэалізацыі саюзных праграм, ўхваліць канцэпцыі новых сумесных праектаў і падпісаць шэраг міжурадавых пагадненняў.
Запланаваны таксама перамовы прэм'ер-міністра Беларусі Андрэя Кабякова са старшынёй урада Расіі Дзмітрыем Мядзведзевым. На 28 верасня намечана рабочая сустрэча Андрэя Кабякова з мэрам Масквы Сяргеем Сабяніным.
Каментары