У Расіі заявілі пра намер стварыць свой аналаг колішняга амерыканскага USAID
Кіраўнік расійскага «Рассупрацоўніцтва» Яўгеній Прымакоў заявіў у інтэрв'ю РБК, што Расія рыхтуе стварэнне аналага амерыканскага агенцтва USAID для распаўсюджвання свайго ўплыву за мяжой. Для гэтага, паводле яго слоў, МЗС распрацоўвае праект федэральнага закона аб міжнародным развіцці.
Прымакоў адзначыў, што мэта не ў тым, каб спаборнічаць з USAID, а, напрыклад, узяць за прыклад Фінляндыю, якая ўжо мае ўласнае агенцтва міжнароднай дапамогі. Чыноўнік падкрэсліў, што цяпер нават для невялікай справы за мяжой патрабуецца асобная пастанова ўрада. Новы закон, па яго словах, павінен зрабіць такія дзеянні больш хуткімі і празрыстымі.
Таксама Прымакоў прызнаў, што цяперашні стан «Рассупрацоўніцтва» — састарэлы: «Са старых калёсаў спрабуем зрабіць аўтамабіль».
Ён паведаміў, што з агульнага бюджэту ў 5,5 мільярда рублёў (каля 61,1 мільёна даляраў) толькі 25% ідзе непасрэдна на праекты, бо неабходна падтрымліваць каля 80 прадстаўніцтваў у 70 краінах (арэнда, заробкі, транспарт і г.д.). Пры гэтым ён адзначыў, што нават ураду не заўсёды зразумела, чым займаюцца гэтыя офісы, а ў грамадстве існуе стэрэатып, што гэта «сумныя месцы, дзе бабулькі на хуткасць ядуць балалайкі».
Для параўнання, амерыканскае USAID было створана ў 1961 годзе прэзідэнтам Джонам Кенэдзі. Па стане на 2025 год яго бюджэт складаў $42,8 мільярда. Праз гэта агенцтва рэалізоўваліся гуманітарныя праграмы па ўсім свеце, у тым ліку ў Беларусі і Украіне.
Аднак пасля вяртання ў Белы дом Дональд Трамп раскрытыкаваў USAID за маштабную карупцыю і заклікаў яго закрыць. У выніку Дзярждэпартамент скараціў 90% праграм дапамогі і з 1 ліпеня ўзяў на сябе ўсе «стратэгічна важныя» міжнародныя праекты.
Рубіа: ЗША больш не будуць несці асноўны цяжар гуманітарнай дапамогі
Дзярждэп ЗША афіцыйна паведаміў Кангрэсу пра роспуск USAID
Рубіа: Мы афіцыйна адмяняем 83% праграм USAID
Вярхоўны суд ЗША адмовіў Трампу ў просьбе пакінуць замарожанымі сродкі на замежную дапамогу
ЗША спыняюць фінансаванне тысяч праграм па барацьбе з поліяміелітам, ВІЧ-інфекцыяй, малярыяй і недаяданнем
Кітай пачаў прапаноўваць краінам сваё фінансаванне замест USAID
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары