Сабаленка выйшла ў паўфінал Уімблдона, ледзь не асароміўшыся ў матчы са 104-й ракеткай свету
Першая ракетка планеты прабілася ў паўфінал Уімблдона трэці раз у кар'еры.
Беларуская тэнісістка Арына Сабаленка выйшла ў паўфінал Уімблдонскага турніру — трэцяга ў сезоне турніру Вялікага шлема. У чвэрцьфінале першая ракетка свету сустракалася з 37-гадовай немкай Лаўрай Зігемунд.
Перамога над 104-м нумарам рэйтынгу далася 27-гадовай Сабаленцы вельмі няпроста. Беларуска прайграла першы сэт з лікам 4:6, але затым выправілася ў другой партыі — 6:2. У вырашальным сэце Сабаленка двойчы прайгравала сваю падачу, але ў выніку вярнула абедзве партыі і выйграла з лікам 6:4.
Беларуска выйшла ў паўфінал Уімблдона трэці раз у кар'еры. Цікава, што ў фінале яна пакуль не гуляла ні разу, у адрозненне ад трох іншых мэйджараў.
Наступнай саперніцай Сабаленкі стане альбо амерыканка Аманда Анісімава (12-ы нумар рэйтынгу), альбо расіянка Анастасія Паўлючэнкава (50).
Па выніках Уімблдона Сабаленка ўжо дакладна стане другой у гісторыі тэнісісткай, якая набрала больш за 12000 рэйтынгавых балаў.
Цяпер чытаюць
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў28
Каментары