Арбітра затрымалі за непрызначаны вырашальны пенальці — скандал у расійскім футболе
Супрацоўнікі паліцыі ў аўторак 8 ліпеня затрымалі футбольнага суддзю Багдана Галаўко, які працаваў на матчах Першай лігі, яго падазраюць ва ўплыве на вынікі чэмпіянату Расіі, піша РБК.
За аказанне супрацьпраўнага ўплыву на вынік афіцыйнага спартыўнага спаборніцтва (арт. 184 КК) арбітру пагражае да сямі гадоў пазбаўлення волі.
Паводле версіі следства, Галаўко свядома здзейсніў памылку на карысць маскоўскага «Тарпеда» падчас матча супраць «КамАЗа» (Набярэжныя Чалны) 24 мая. Гэта была гульня апошняга, 34-га тура Першай лігі. Яна мела вырашальнае значэнне для вызначэння каманд, якія выйдуць у вышэйшы дывізіён чэмпіянату — Расійскую прэм’ер-лігу.
Пасля гульні галоўны трэнер «Тарпеда» Алег Конанаў заявіў журналістам, што запомніць гэтую гульню: «Бо выпіў шмат таблетак».
Спартыўная камісія прыйшла да высновы, што Галоўка не прызначыў пенальці ў вароты «Тарпеда» памылкова, а беларускі абаронца клуба Глеб Шаўчэнка здзейсніў «вар'яцкі кантакт адкрытай ступнёй у вобласць ахілава сухажылля форварда «КамАЗа» Данілы Маторына.
Тады па выніках матча маскоўскае «Тарпеда» заняла другое месца ў першай лізе і вярнулася ў вышэйшую лігу.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары