У сталіцы Малдовы скончыўся мітынг грамадзянскай платформы DA («Годнасць і праўда»), які адбываўся пад сцягамі Малдовы і Еўрасаюза.
Прычым, арганізаваны Платформай DA пратэст займеў рамантычную назву — «Рэвалюцыя хрызантэм». На плошчу пратэстоўцы прыйшлі з белымі кветкамі.
— Гэта восеньскія кветкі, чыстыя, белыя, — так патлумачыў адзін з ідэолагаў Платформы Ігар Боцан. — Чаму ў такім разе не «Рэвалюцыя хрызантэм»?
У мітынгу ўдзельнічалі, паводле розных звестак, ад 3 тыс. да 10 тыс.
Удзельнікі дадалі да сваёй рэзалюцыі новае патрабаванне — правесці ўсенародны рэферэндум па абранні прэзідэнта.
«Пераход да ўсенародных выбараў прэзідэнта - гэта неабходнасць, прадыктаваная сучаснымі рэаліямі. Гэта патрабаванне ўсяго народа Малдовы», — заявіў палітолаг і актывіст DA Ігар Боцан.
Паводле Канстытуцыі Малдовы рэферэндум можа быць арганізаваны пры падтрымцы адной траціны дэпутатаў парламента або 200 тыс. грамадзян.
Ініцыятыву ўсенароднага рэферэндуму пацвердзіў і лідар Партыі сацыялістаў Ігар Додон, які браў удзел у іншым пратэсце — левых сіл, ля будынка парламента ў Кішынёве.
Раней, у ноч з пятніцы на суботу, левыя пратэстоўцы блакавалі праспект Стэфана Вялікага, паставіўшы палаткі прама на праезнай частцы. У выніку грамадскі транспарт быў пушчаны ў аб'езд. Сёння, 4 кастрычніка, палаткі былі прыбраныя з галоўнай вуліцы Кішынёва. На думку мэра сталіцы Малдовы Дарына Кіртаакэ, пратэсты ў горадзе арганізаваныя Масквой.
А ўдзень ля будынка парламента адбылася бойка.
Каля сотні чалавек, у асноўным, камбатанты (ветэраны вайны ў Прыднястроўе 1992 года) і «афганцы» з хрызантэмамі ў руках прарваліся да парламента. Іх ужо чакала паліцэйскае ачапленне.
Пратэстоўцы спадзяваліся з ходу прарваць ланцуг, не атрымалася. Бойка доўжылася каля хвіліны. Затым самі камбатанты арганізавалі паміж паліцэйскімі і натоўпам жывы ланцуг і адціснулі людзей да прыступак, піша kp.md.
Акцыі пратэсту супраць малдаўскіх уладаў працягваюцца ў цэнтры малдаўскай сталіцы трэці тыдзень. Пратэстоўцы патрабуюць адстаўкі ўсяго кіраўніцтва краіны і абвяшчэння датэрміновых парламенцкіх выбараў. Яны таксама патрабуюць прыцягнуць да крымінальнай адказнасці вінаватых у крадзяжы больш як мільярда даляраў з банкаўскай сістэмы краіны.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары