Марату Дубоўскаму з Салігорска, які хворы на спінальную мышачную атрафію (СМА), сабралі грошы на лекі «Золгенсма» коштам больш за 1,8 мільёна даляраў. Сям'я хлопчыка 11 чэрвеня паведаміла пра закрыццё збору.
Як напісала сям'я хлопчыка, сабраныя сродкі будуць пераведзеныя ў РПНЦ «Маці і дзіця». Частку, якой не хапае, дадасць дзяржава за кошт пазабюджэтных спонсарскіх сродкаў.
«Няма слоў, каб выказаць тое, наколькі мы ўдзячныя кожнаму з вас! 4,5 месяца мы вялі гэтую барацьбу, і вы былі побач з намі! Мы ўдзячныя кожнаму за вашы ахвяраванні, рэпосты, за арганізацыю мерапрыемстваў, кірмашоў і акцый, за кожнае цёплае слова і малітву!» — падзякавала сям'я хлопчыка.
Два дні таму бацькі пісалі, што «за 4,5 месяца сабралі 48% неабходнай сумы, але наперадзе яшчэ вялікі шлях, бо гэта яшчэ нават не палова…»
Як жывуць сем'і, якія сабралі вялізныя грошы на выратавальны ўкол для дзіцяці
Беларусы сабралі вялізныя грошы на лекі для яшчэ адной дзяўчынкі з СМА
Мінздароўя расказала, колькі дзяцей са СМА ўжо атрымалі самы дарагі ў свеце прэпарат
У Беларусі ўпершыню зацвердзілі пратакол лячэння дзяцей са СМА
Лячыць дзяцей са СМА за кошт сродкаў бюджэту не атрымаецца — Мінздароўя
Каментары