Кіраўнік амерыканскага Пентагона Эш Картэр паабяцаў прыняць «усе неабходныя крокі» для процідзеяння расійскаму ўплыву ва Усходняй Еўропе і на Блізкім Усходзе, паведамляе Guardian.
Фота Пентагон
На думку Картэра, прэзідэнт Уладзімір Пуцін «ахутаў Расію заслонай ізаляцыі ад паўвострава Камчатка да Сярэдняй Азіі, ад Каўказа да Прыбалтыкі», якую немагчыма зняць без сур'ёзнай змены палітычнага курсу.
«Мы прымем усе неабходныя крокі для стрымлівання шкоднага і дэстабілізуючага ўплыву Расіі», — падкрэсліў ён.
Кіраўнік Пентагона назваў стратэгію Расіі ў Сірыі памылковай, і пакуль Масква ад яе не адмовіцца, аб супрацоўніцтве гаворкі ісці не можа.
Guardian адзначае, што гэта найбольш рэзкія заявы ад Картэра і адміністрацыі Абамы ў цэлым у апошні час.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары