Экс-палітвязень і кандыдат у прэзідэнты Мікола Статкевіч заклікаў грамадскасць прыйсці 29 кастрычніка да будынка КДБ у Мінску, каб ушанаваць памяць расстраляных у сталіцы сталіністамі дзеячаў інтэлігенцыі ў 1937 г.
Пра гэта ён напісаў у сваім фэйсбуку.
«29 кастрычнiка — чорная дата беларускай гiсторыi. У гэты дзень 1937 года НКВД растраляла болей за 100 дзеячоў нашай культуры, пераважна пiсьменнiкаў. Сталiнскiя каты ведалi, што рабiлi. Менавiта «людзi слова» ствараюць духоуны падмурак нацыi, без якога яна ператвараецца у статак. Мы вiнаватыя перад нашымi пакутнiкамi, бо каты, якiя знiшчылi iх i сотнi тысячаў iншых беларусау, дагэтуль не асуджаныя i лiчацца героямi. Таму сучасныя нашчадкi катаў смела iдуць iх шляхам. Iзноў яны у сваiх турмах катуюць патрыетаў Беларусi. Калi грамадства забываецца пра свае трагедыi, яны могуць паутарацца.
Заклiкаю тых, хто гатовы, прыйсцi 29.10 у 18.30 да сценаў будынкаў КГБ i Мiнiстэрства ўнутраных спраў на праспекце Скарыны, каб са свечкамi ў руках стварыць ланцуг памяцi ахвяраў сталiнiзму i нагадаць нашчадкам iх катаў пра адказнасць за злачынствы».
Цяпер чытаюць
Ці закрыюць Еўропу для беларусаў? Дарадца Ціханоўскай распавёў, пра што дамовіўся ў Берліне1
Каментары