Бульдог з Тэхаса, у якога няма задніх лап, стаў інтэрнэт-зоркай
Шасцімесячны бульдог па мянушцы Бансай, які нарадзіўся з паловай хрыбетніка, стаў зоркай у інтэрнэце, піша The Daily Telegraph.
Жывёла нарадзілася з рэдкім захворваннем, якое таксама сустракаецца ў чалавека, — сакральнай агенезіяй (сіндром хваставой рэгрэсіі). У Бансая не функцыянуе таз, яго малюсенькія заднія лапы прыйшлося ампутаваць ў чэрвені гэтага года. Шчанюк можа перасоўвацца паўзком або скачкамі.
Ва ўзросце трох тыдняў гаспадар бульдога перадаў яго ў прыватны прытулак у Тэхасе. Работнікі прытулку адзначылі, што Бансай вельмі жыццярадасны шчанюк. Яны выкладваюць фота і відэа на старонкі сабакі ў Facebook і Instagram. За апошнія месяцы ён стаў настолькі папулярны, што ў прытулку пачалі выпускаць майкі і бірулькі з выявай бульдога.
Бансай пачаў атрымліваць праз інтэрнэт ахвяраванні для вырабу спецыяльнай прылады з коламі, якое дазволіць яму больш свабодна перасоўвацца. Акрамя гэтага, у яго ёсць цацачны радыёкіраваны аўтамабіль, у якім ён сядзіць, прышпілены рамянямі бяспекі да крэсла.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі19
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары