У Балгарыі арыштавалі лідара нацыяналістычнай партыі «Атака» Волена Сідэрава з-за скандалу са збіццём паліцэйскага. Паводле дадзеных пракуратуры Балгарыі, палітыку пагражае да трох гадоў пазбаўлення волі, піша Reuters.
Волен Сідэраў, лідар нацыяналістычнай партыі «Атака», вядомай сваімі антынатаўскімі і антыеўрапейскімі поглядамі, абвінавачваецца ў здзяйсненні хуліганства.
Згодна з заканадаўствам Балгарыі, Сідэрава могуць утрымліваць пад вартай да 72 гадзін, пасля чаго суд Сафіі павінен прыняць рашэнне аб далейшай меры стрымання.
Партыя «Атака» таксама вядомая сваімі прарасейскімі настроямі. Палітык і яго партыя выступаюць за адраджэнне Расіі ў выглядзе новай дзяржавы, аналагічнай СССР. Таксама партыя рашуча падтрымлівае ўварванні Расіі ў Украіну, у тым ліку і анексію Крымскага паўвострава.
Раней парламент Балгарыі пазбавіў імунітэту Сідэрава і яго паплечніка Дэсіслава Чукалава па справе аб інцыдэнце, які адбыўся ў мінулым месяцы.
Палітык і група яго паплечнікаў 23 кастрычніка ўварваліся ў будынак Нацыянальнай акадэміі мастацтва тэатра і кіно Балгарыі і ўчынілі слоўную сварку са студэнтам. На месца прыбыла паліцыя, і ў момант затрымання Сідераў ўдарыў аднаго паліцэйскага па твары.
Цяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу10
Каментары