Прэмія будзе ўручана на ўрачыстым вечары, прысьвечаным Міжнароднаму дню тэатру, які 27 сакавіка пройдзе ў Нацыянальным акадэмічным тэатры імя Янкі Купалы.
Міністэрства культуры Беларусі сумесна зь Беларускім саюзам тэатральных дзеячоў заснавала прэмію імя Вінцэнта Дуніна‑Марцінкевіча. Пра гэта карэспандэнту БЕЛТА паведаміў начальнік упраўленьня мастацтваў міністэрства Міхаіл Казловіч.
Экспэртная камісія прыме рашэньне, хто з актораў, рэжысэраў, сцэнарыстаў, драматургаў ці творчых калектываў варты гэтай узнагароды, прысьвечанай 200‑годзьдзю з дня нараджэньня заснавальніка новай беларускай літаратуры, прафэсійнай драматургіі і тэатру Вінцэнта Дуніна‑Марцінкевіча.
Прэмія будзе ўручана на ўрачыстым вечары, прысьвечаным Міжнароднаму дню тэатру, які 27 сакавіка пройдзе ў Нацыянальным акадэмічным тэатры ім. Янкі Купалы.
Па традыцыі, на вечарыне будуць уручаныя прызы Беларускага саюзу тэатральных дзеячоў: «Хрустальная Паўлінка», «Хрустальны анёл», «Хрустальная зорка, «Хрустальная кветка».
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2
Каментары